Jitna mai khudse kareeb aa raha hu,
aaina dekhanese ghabara raha hu.
Ye sochkar bhi ab to zuk jati hai nazare,
mai bhi kisi ka masiha raha hu.
aaina dekhanese ghabara raha hu.
Saanso ki zid hai aur duae kisi ki,
fakat do bato pe jiye ja raha hu.
aaina dekhanese ghabara raha hu.
Dhire dhire tuzse bhi fasale ho rahe hai,
kaha jana tha aur kaha ja raha hu.
aaina dekhanese ghabara raha hu.
Ye duniya wiezo ki saltnat hai,
kitne saalo se dil ko ye samaza raha hu.
aaina dekhanese ghabara raha hu.
Ab jo jodega koi to ghut jaunga mai,
sadiyo se yu hi mai bikhara raha hu.
aaina dekhanese ghabara raha hu.
Shikayat kyo ho muzko rakeebo se mere,
jab mai hi galtiya apni dohra raha hu.
aaina dekhanese ghabara raha hu.
Parhej hai muzko aankho ki nami se,
Mai jamane se ek tapta sahara raha hu.
aaina dekhanese ghabara raha hu.
2 comments:
ye soch kar bhi ab to zuk jati hai nazare
mai bhi kisika masiha raha hu....
bahut khoob....ajit bahut sundar sochtey ho,achha likhtey ho....
shikayat kyun ho mujhko rakeebo se mere
jab main hi galtiyan apni dohra raha hoon....
awesome lines....likhtey raho.....tumhari or gazalon ka intzaar rahega....
Bahot hi accha likha hai ekadam sahiiiiiiiiii
No words to express....Bahot khub. Kash aap jaisa hum bhi likh sakate...Ya U R BORN THINKER
Post a Comment